ЗЛЁТ ТУРЫСТАЎ НА ЛЮСІНЦЫ

 8 чэрвеня Вялікі Люсеніц абудзілі ад летняй   млявасці галасы дзяцей і дарослых.

 Гэта на злёт турыстаў прыехалі людзі з інваліднасцю ўсіх узростаў і іх суправаджальнікі. Хутка стварылі чатыры каманды. Першай кінулася выконваць складаныя практыкаванні каманда раённай арганізацыі інвалідаў “Факел”. Спачатку трэба было выратаваць тапельца, трапна накінуўшы на яго кола ратавальнае.

 Упэўнена выбраўся з мышынай пасткі Дзіма з каманды Цэнтра сацыяльнага абслугоўвання насельніцтва “Падраны кед”.

 Другі Дзіма з той жа каманды па балотных купінах выпісваў па, быццам на пляцоўцы танцавальнай.

 Хісткае бервяно не стрымала імпэту каманды “Ўсмешка” Цэнтра дзіцячага карэкцыйнага.

 Гэтая каманда упэўнена выканала пад’ём і спуск па траверсе падвешанай.

 Факел з веданнем справы хутка абясшкодзіў поле міннае.

 Тым часам галоўны начальнік інвалідаў Уладзімір Кніга ўключаў у працэс аж тры мангалы дымлівыя.

 Ён яшчэ не ведае, што паскорылі б справу падпальшчыкі лепшыя з каманды раённай арганізацыі інвалідаў “Фіксікі”, якіх выявіць практыкаванне “Распальванне агню” адмысловае.

 Спраўна набралі працоўны рытм барбекюшніцы.

 Але пакуль пачнецца самае прыемнае практыкаванне па спажыванні шашлыкоў засмажаных, атрымайце ўзнагароды за трэцяе месца, “Фіксікі” спрытныя.

 Другая ўзнагарода чакае цябе, “Факел” неўтаймаваны.

 Першае ж месца “Ўсмешцы” прысуджаецца.

 А цяпер налятай, братва турыстычная, на кухню паходную.

 Ды займай месцы адмысловыя ў лясной зале абедзеннай.

 Ад стравы такой не адцягнеш нават за вушы абвіслыя.

 Шашлык, скажу я вам, такі атрымаўся, што ад смаку язык у кожнага, яго пакаштаваўшага, так далёка апынуўся, што доўга потым шлях шукаў, каб вярнуцца на месца законнае.

 Паляжаць бы, пуза напоўненае ў неба выставіўшы, каб тлушч завязаўся халестэрынавы. Аднак аніматары ад культуры раённай мёртвага з магілы ўзнімуць гульнямі цікавымі ды скокамі шалёнымі.

 А тут яшчэ рыбу экзатычную запусцілі ў басейн напоўнены.

 Клёў, паверце, быў казачны. Нават рыбаловы дарослыя прыбеглі з Люсінца бязрыбнага.

 А са мной да канца злёту сябраваў Цімур, турыст вопытны.

 Адкуль жа ўсякай усячаны набраў начальнік злёту найгалоўнейшы, каб задаволіць усіх турыстаў да адзінага? Дапамаглі грашамі немалымі лепельцы добрыя. Гэта газаўшчыкі прапанавыя, энергазбытчыкі ашчадныя, міліцыянеры пільныя, аўтазапраўшчыкі бензінавыя, работнікі добрыя прадпрымальніка Лебедзева. Судзілі справядліва турыстаў апантаных спартсмены раённыя.