ГЛЫБА ЛЯ КРАСНАЛУЧКІ, або ЦІ ЗНІШЧУЦЬ ПОМНІК ПРЫРОДЫ СУЧАСНІКІ?

Вандроўныя нататкі старога валацугі

За вёскай Красналуцкага Валосавіцкага сельсавета, у бок суседніх Кавалевічаў,высіцца сярод поля вялікая каменная глыба.

Не спрадвеку яна выклікала ўражанне сваімі памерамі, бо некалькі дзесяткаў гадоў таму назад сярод кустоўя тырчаў з зямлі звычайны валун. Пачалі меліяратары праводзіць там культуртэхніку. Аднаму магутнаму трактару С-100 камень не паддаўся. Тады на дапамогу прыгналі другі “С”. Дзень раўлі ад перанапругі маторы, пакуль выцягнулі з зямных нетраў гіганцкую глыбу. Назаўтра адзін трактар паехаў на іншы аб’ект, а другі так і не скрануў з месца прышэльца з далёкай Скандынавіі.

Да гэтага часу застаецца глыба на месцы.

Вскоўцы шануюуь гэты помнік прыроды і абмінаюць пры апрацоўцы поля, стараючыся не пашкодзіць яго і тэхніку. Не стаў бы ён бяльмом у воку якому начальніку!

Ваўчок ВАЛАЦУЖНЫ (Валадар ШУШКЕВІЧ). 2012 год. ЛЕПЕЛЬ.