КУРГАНЫ І ГАРАДЗІШЧА ЛЯ АЗЁРАЎ ТЭКЛІЦ І ЛУКОНЕЦ

Звесткі аб аўтары глядзець тут.

 Ёсць чалавек, які займаецца краязнаўчай дзейнасцю ў Пышнянскім краі.

 Пастаўляе мне інфармацыю адтуль, аднак называцца не хоча.

 Вось і ўчора даслаў мне фотаздымкі прама з месца даследавання курганоў і гарадзішча на берагах суседніх азёраў Тэкліц і Луконец.

 Я іх не падзяляю па месцы размяшчэння, паколькі ў вайберы яны маглі пераблытацца.

 Таму даю ў той паслядоўнасці, у якой здымкі змясціліся пры пераносе ў кампутар.

 На электралініі ёсць адзін цікавы курган.

Ускараскаўся на яго бетонавы электраслуп.

Праходзіць тая ЛЭП уздоўж дарогі на Беразіно.Курган знаходзіцца дзесьці насупраць аўтобуснага прыпынку "Слабодка".

Цікавым мне тая валатоўка падалася тым, што фатаграфаваў яе яшчэ ў 2013 годзе. Тады яна выглядала спрытней, бо была лысая.

 А цяпер надта абрасла. Цырульніка патрабуе.

 Калі заўважылі, на здымках фігуруюць і старыя могілкі з крыжамі на надмогільных камянях.

9.11.2019